Bakıda zorlamaya görə 3 il həbsdə yatan şəxs günahsız çıxıb. Bu haqda 28 oktyabr tarixində Oxu.az xəbər verib.
3 il əvvəl İlqar adlı şəxs və onun xalası oğlu Vahid kirayə yaşadığları mənzildə qıza qarşı zorlamada təqsirləndiriliblər. Onlar, tanış olduğu qızla yeyib-içdikdən sonra ona təcavüz ediblər. İstintaqda zərərçəkmiş qız bildirib ki, İlqarın ona qarşı etdiyi zorakı hərəkətlər nəticəsində psixi sarsıntı keçirib və huşunu itirib. Vahidin isə onunla hansı hərəkətlər etdiyini yadında deyil. Bununla belə Vahidin onu zorlamağa cəhd etməsini istisna etməyib.
Vahid 6 il 11 ay müddətinə azadlıqdan məhrumetmə cəzasını almışdır. O, Bakı Ağır Cinayətlər Məhkəməsinə apellyasiya şikayəti verib və məhkəmə ona bəraət qazandırıb. Vahid təxminən 3 il həbsdə qaldıqdan sonra məhkəmə iclası zalından azadlığa buraxılıb.
İlqar isə 8 il müddətinə azadlıqdan məhrum edilib. Onun apellyasiya şikayəti təmin edilməyib.
