Azərbaycan Dəmir Yolları bayram günlərində gücləndirilmiş iş rejimində çalışacaq. Bu haqda bu gün, 26 iyun tarixində Bakuplus.az quruma istinadən xəbər verir.
Belə ki, 26 iyun - 2 iyul tarixləri arası Bakı-Ağstafa və Bakı-Qəbələ marşrutları üzrə əlavə qatarlar fəaliyyət göstərəcək.
Adıçəkilən tarixlərdə Bakıdan əlavə olaraq 08:25-də qatar yola düşəcək və Ağstafaya saat 13:20-də çatacaq. Ağstafa-Bakı istiqaməti üzrə isə yeni reys üzrə qatar 16:00-da yola düşəcək və Bakıya 20:55-də çatacaq.
Bakı-Qəbələ marşrutu üzrə əlavə reys saat 07:30-da olacaq və qatar Qəbələyə saat 10:50-də çatacaq. Əks istiqamətdə saat 19:30-da yola düşən qatar Bakıya saat 22:50-də çatacaq.
26 iyun – 2 iyul tarixlərində Abşeron dairəvi dəmir yolu xətti üzrə hərəkət edən qatarlar qeyri-iş günlərinin qrafikinə uyğun ənənəvi qaydada hərəkət edəcək.
