Sosial şəbəkələrdə Bakı–Naxçıvan–Bakı marşrutu üzrə müntəzəm avtobusların sayının artması ilə bağlı məlumatlar yayılıb. Bu haqda bu gün, 4 iyul tarixində Bakuplus.az Trend-ə istinadən məlumat verir.
Hazırda Bakı–Naxçıvan–Bakı avtobus marşrutu üzrə gün ərzində 4 reys (saat 09:00, 19:00, 20:00 və 21:00-da) həyata keçirilir.
Azərbaycan Yerüstü Nəqliyyat Agentliyindən bildirilib ki, sərnişin tələbatı yarandığı təqdirdə reyslərin sayı 6-ya çatdırılır.
“Hazırda bu istiqamətdə sərnişin sıxlığı müşahidə edilmir. Sərnişinlər biletləri onlayn qaydada “biletim.az” portalından və avtovağzalların kassalarından əldə edə bilirlər”, – deyə qurumdan əlavə olunub.
