Qarabağa mart ayı üçün bilet satışına start verilir. Bu haqda bu gün, 24 fevral tarixində Bakuplus.az Yerüstü Nəqliyyat Agentliyinə istinadən xəbər verir.
Bakıda işğaldan azad olunmuş torpaqlara olan avtobus reyslərinə mart ayı üçün biletlərin satışına start verilir.
Belə ki, 25 fevral saat 15:00-dan etibarən biletlər satışa çıxarılacaq. Sərnişinlər biletləri https://yolumuzqarabaga.az/ portalı vasitəsilə onlayn qaydada ala bilərlər.
Vətəndaşlar bilet almaq üçün şəxsiyyətini təsdiq edən sənəddəki məlumatları sistemə daxil etməlidirlər. Hər bir bilet yalnız şəxsiyyət vəsiqəsi ilə eyniləşdirilən vətəndaş tərəfindən istifadə oluna bilər. Bilet alındıqdan sonra başqa şəxsə ötürülməsi mümkün deyil.
