AZAL-in təyyarəsi Bakıya geri qayıtmağa məcbur olub. Bu haqda bu gün, 10 iyul tarixində Bakuplus.az Report-a istinadən xəbər verir.
“Azərbaycan Hava Yolları” QSC (AZAL) aviaşirkətinin J2-075 nömrəli Bakı–İstanbul reysini yerinə yetirən təyyarənin kapitanı kondisioner sistemində yaranmış problemə görə hava limanına qayıtmaq qərarına gəlib. Təyyarə 16:04-də Heydər Əliyev Beynəlxalq Aeroportunda uğurla eniş edib.
Məlumata görə, sözügedən reysin sərnişinləri başqa təyyarə ilə İstanbula yola düşəcəklər.
Daha öncə sosial şəbəkələrdə Bakıdakı hava limanında yaranmış insidentlə bağlı məlumat yayılmışdı.
