Bakı-Ufa aviareyslərinin sayı artırılır. Bu haqda bu gün, 2 iyun tarixində Bakuplus.az Ufa aeroportuna istinadən xəbər verir.
“Buta Airways” Bakı-Ufa reyslərinin sayını artırır. 6 iyun tarixindən etibarən birbaşa uçuşlar həftədə 3 dəfə olacaq. Aviareyslər çərşənbə axşamı, cümə axşamı və bazar günləri yerli vaxtla saat 20:40-da “Embraer E190” markalı sərnişin təyyarələri ilə həyata keçiriləcək. Uçuş müddəti 2 saat 50 dəqiqə olacaq.
Daha öncə sözügedən marşrut üzrə həftədə 2 dəfə reys olurdu. Biletlər artıq satışdadır.
