Liseydən bildirilib ki, səbəb 10 illik fəaliyyət ərzində Təhsil Kompleksinin şagird sayının aşağı olması və maddi problemlərdir.
Məlumata görə, 320 şagird üçün nəzərdə tutulan məktəb bu illər ərzində təsisçi tərəfindən təyin edilən hədəfə çatmayıb, 200 nəfərlik baryeri (60%) keçə bilməyib, bu isə öz növbəsində məktəbin rentabelliyinə ciddi şəkildə təsir göstərib və təsisçi öz büdcəsindən əlavə xərcləri qarşılamaq məcburiyyətində qalıb.
“BFL-də tədris ilinin iyulun 1-də başa çatacağını nəzərə alaraq şagirdlər təhsil proqramının sonuna qədər təhsillərini davam etdirəcək və ləğv olunma haqqında qərar yalnız iyulun 1-dən qüvvəyə minəcək", – deyə açıqlamada qeyd edilib.
16:00 - Bakı Fransız Liseyi fəaliyyətini dayandırıb
Bakı Fransız Liseyi bağlanıb. Bu haqda bu gün, 19 aprel tarixində Bakuplus.az Report-a istinadən xəbər verir.
Təhsil müəssisəsinin rəhbərliyi adından liseydə təhsil alan uşaqların valideynlərinə məktub göndərilib. Bildirilir ki, yeni tədris ilindən lisey fəaliyyət göstərməyəcək.
Təhsilin tədris müddəti bitənə qədər davam edəcəyi qeyd olunub.
