Bakı–Gəncə–Bakı istiqaməti üzrə yeni avtobuslar istismara verilib. Bu haqda bu gün, 27 may tarixində Bakuplus.az Azərbaycan Yerüstü Nəqliyyat Agentliyinə (AYNA) istinadən xəbər verir.
Bu gündən etibarən Gəncəyə səfərlər “Neoplan” və “Man” markalı avtobuslarla həyata keçiriləcək. Bildirilir ki, uzun müddətdən sonra ilk dəfə olaraq şəhərlərarası daşımalarda tam yeni avtobuslar istismara verilir.
“Man” markalı avtobuslar Bakı Beynəlxalq Avtovağzal Kompleksindən saat 10:30, 11:00, 12:00 və 14:30-da, Gəncə Avtovağzalından isə 11:00, 11:30, 13:30 və 19:00-da yola düşəcək.
AYNA-dan bildirilib ki, şəhərlərarası sərnişindaşıma avtobusları yenilənməyə davam edir. Müsabiqədə iştirak edən marşrut avtobusları mütəmadi olaraq dəyişilir.
