Bakı-Gəncə sürət qatarı fəaliyyətini bərpa edir. Bu haqda bu gün, 18 mart tarixində Bakuplus.az “Azərbaycan Dəmir Yolları” ASC-yə istinadən xəbər verir.
19 mart tarixindən etibarən qatarlar hər gün saat 08:00-da Bakıdan, 18:00-da isə Gəncədən çıxacaq. Qatarların yolda olma müddəti 3 saat 40 dəqiqə təşkil edəcək.
Gediş haqqı standart yerlər üçün 20 manat, biznes yerlər üçün 33 manat, birinci klas üçün isə 100 manat təyin olunub. Biletləri İticket.az saytından almaq mümkündür. Onlar artıq satışdadır.
Qatarda 9-u birinci klass yeri, 62-si biznes yeri və 296-sı isə standart yer olmaqla, cəmi 367 oturacaq mövcuddur.
