Təhsil Nazirliyi tərəfindən Bakı Şəhəri üzrə Təhsil İdarəsində (BTŞİ) yeni təyinatlar olub. Bu haqda bu gün, 6 oktyabr tarixində Report xəbər yayıb.
Təhsil nazirinin əmrinə əsasən, Kamran Əliyev Hüquq sektorunun müdiri vəzifəsinə təyin olunub. Bundan öncə, Əliyev Peşə Təhsili üzrə Dövlət Agentliyində və Təhsil Nazirliyində müxtəlif vəzifələri tutmuşdur.
Daha bir əmrə əsasən, BŞTİ-nin İnfomasiya təminatı sektorunun müdiri Tural Mahmudov olacaq. O, Gədəbəy Rayon İcra Hakimiyyətində, “VF Azərkredit” MMC-nin Gədəbəy filialında, Təhsil İnstitutunun strateji təhlil şöbəsində S.Bəhlulzadə adına Xarici dillər təmayüllü gimnaziyada müxtəlif vəzifələrdə işləmişdir.
Həmçinin, Fuad Əsgərov İnsan resursları sektorunun müdiri vəzifəsinə təyin edilib. Bu təyinata qədər o, Fövqəladə Hallar Nazirliyi və BTŞİ-də müxtəlif vəzifələrdə çalışmışdır.
