Keçən ay ərzində Heydər Əliyev Beynəlxalq Aeroportu 310 mindən çox sərnişinə xidmət göstərərək rekorda imza atıb. Bu gün, 14 mart tarixində hava limanının mətbuat xidmətindən verilən məlumata görə, bu rəqəm fevral ayında pandemiyadan əvvəlki dövr də daxil olmaqla, bütün əvvəlki illəri üstələyib.
2023-cü ilin fevral ayında bu rəqəm 312.883 nəfər idisə, 2019-cu ilin eyni dövründə 243.165 nəfər olub. 2020, 2021 və 2022-ci illərin fevralında Bakı aeroportunun sərnişin axını müvafiq olaraq 270 min, 67 min və 206 min nəfəri ötüb.
Ötən ay ölkənin bütün beynəlxalq hava limanlarının sərnişin dövriyyəsi 367 min nəfər olub, 2023-cü ilin əvvəlindən isə bu rəqəm 790 min nəfərə yaxın olub.
[caption id="attachment_94042" align="alignnone" width="640"]
Foto Heydər Əliyev Beynəlxalq Aeroportunun rəsmi Facebook səhifəsi[/caption]
