Bakı hotellərində qiymət artımı müşahidə edilir. Bu haqda bu gün, 1 may tarixində Bakuplus.az Report-a istinadən xəbər verir.
Onlayn bronlaşdırma sistemi olan booking.com-da cari ilin yanvar-aprel aylarında paytaxtda yerləşən 3, 4 və 5 ulduzlu hotellər üzrə orta qiymətlər açıqlanıb.
Dövlət Turizm Agentliyinin hesabatına istinadən xəbər verilir ki, 3 ulduzlu hotellərdə bir gecə qalmaq üçün orta qiymət 78,8 AZN, 4 ulduzlu hotellərdə orta qiymət 111,2 AZN, 5 ulduzlu hotellərdə isə 209,6 AZN təşkil edib.
Ötən ilin eyni dövrü ilə müqayisədə 3 ulduzlu hotellər üzrə 16,3%, 4 ulduzlu hotellər üzrə 4,7% və 5 ulduzlu hotellər üzrə isə 39,7% artım müşahidə edilir.
