Bakı küçələrində piyada zolaqlarının silinməsi sürücülərin şikayətlərinə səbəb olur. Bu haqda bu gün, 22 iyun tarixində Bakuplus.az Space-ə istinadən xəbər verir.
Belə ki, paytaxtın bir sıra küçələrində piyada zolaqları silinib. Bu da sürücülər üçün çətinliklər yaradır. Ən çox problem isə yağışlı hava və qaranlıq vaxtlarda yaranır.
“Maşın sürətlə gəlirsə, piyada zolağı görünmürsə, təhlükə yaranır. Sürücülər məcbur olurlar yadda saxlasınlar ki, burada piyada keçidi var”, - deyə sakinlər bildirirlər.
Ekspertlər bildirirlər ki, zolaqların görünüşü dəyişdirilməlidir. Təkcə ağ deyil, qırmızı və ya sarı rənglərdən istifadə etmək daha effektiv olar.
Rəsmi qurumlar isə zolaqların mərhələli şəkildə yeniləndiyini qeyd edib.
