Bakıdan olan rəssam dünyasını dəyişib. Bu haqda Azərbaycan Rəssamlar İttifaqının mətbuat xidməti məlumat yayıb.
Beynəlxalq Rəssamlar Konfederasiyasının üzvü, Rusiya Rəssamlıq Akademiyasının fəxri akademiki Abbas Kazımov 8 noyabr tarixində 65 yaşında vəfat edib. Onun koronavirus infeskiyasından öldüyü bildirilir.
A.Kazımov 1 yanvar 1956-cı ildə Bakı şəhərində anadan olub. Azərbaycan Rəssamlar İttifaqının, 2011-ci ildən Rusiya Rəssamlıq Akademiyasının, YUNESKO nəzdində Beynəlxalq rəssamlar federasiyasının üzvü olub. O, rəngkarlıqda "xalça üslubu"nun yaradıcısı hesab olunur. Onun fərdi sərgiləri Moskva, Vaşinqton və Kanadada təşkil olunub.
