Bakı–Qazax yolunda təmir işləri aparılacaq. Bu haqda bu gün, 12 iyun tarixində Bakuplus.az Avtomobil Yolları Dövlət Agentliyinə istinadən xəbər verir.
13 iyun saat 08:00-dan 18:00-dək Bakı–Ələt–Qazax–Gürcüstanla dövlət sərhədi avtomobil yolunun 69-cu km-də, Qaradağ rayonunun Ələt qəsəbəsindən keçən hissədə inşa olunan yerüstü piyada keçidləri üçün platformalar quraşdırılacaq.
Bununla bağlı həmin ərazidən keçən sürücülərdən diqqətli olmaları xahiş olunur.
