Bakı Mühəndislik Universitetinə yeni ixtisaslar əlavə oluna bilər. Bu haqda bu gün, 3 may tarixində Bakuplus.az Report-a istinadən xəbər verir.
Bakı Mühəndislik Universiteti (BMU) İT ixtisasları üzrə fakültə açmağı planlaşdırır. Bunu təhsil ocağının rektoru Yaqub Piriyev bildirib.
Onun sözlərinə görə, cari ildən universitet informasiya texnologiyaları (İT) ixtisaslarını təhsilin əsas baza istiqamətinə çevirməyi və müvafiq fakültənin yaradılmasını planlaşdırır.
Hazırda BMU-da kibertəhlükəsizlik üzrə yeni laboratoriya açılıb. Bu istiqamətdə hər il 400 tələbə təhsil alacaq.
