Bakıda məktəbləri fərqlənmə ilə bitirənlərin sayı açıqlanıb. Bu haqda bu gün 17 iyul tarixində Bakuplus.az Bakı Şəhəri üzrə Təhsil İdarəsinə istinadən xəbər verir.
Qurumun tabeliyində olan məktəblərdə 1939 məzun təhsilini fərqlənmə attestatı ilə bitirib. Onlardan 1029 nəfər ümumi orta təhsil səviyyəsi üzrə, 910 nəfər isə tam orta təhsil səviyyəsi üzrə təhsilini fərqlənmə attestatı ilə başa vurub.
Ümumi orta təhsil haqqında və tam orta təhsil haqqında fərqlənmə attestatları ümumi orta və ya tam orta təhsil səviyyəsində oxuduğu müddətdə bütün fənlərdən attestata yazılan qiymətlərə görə verilir.
Tam orta təhsil haqqında fərqlənmə attestatlarının verilməsi məsələsinə isə sinif rəhbərinin təqdimatı əsasında məktəbin Pedaqoji Şurasında baxılır və müvafiq qərar qəbul edilir.
