“Bakı Marafonu 2023”-ə qeydiyyat başlayıb. Bu haqda bu gün, 10 mart tarixində Bakuplus.az marafonun mətbuat xidmətinə istinadən xəbər verir.
“Küləyə qalib gəl” şüarı altında keçirilən marafon bu il paytaxtda 6-cı dəfə təşkil olunacaq. Marafonun marşrutu Bayraq meydanından başlayıb həmin nöqtədə də bitəcək. Marşrutun uzunluğu 21 kilometr təşkil edir.
Marşrut aşağıdakı kimi olacaq:
Dövlət Bayrağı Meydanı - Dənizkənarı bulvar - Bakı Beynəlxalq Dəniz Vağzalı - Neftçilər prospekti - Bakı Ağ şəhər bulvarı - Xəqani Rüstəmov küçəsi - Bakı Ağ şəhər bulvarı, 8 Noyabr prospekti, Yusif Səfərov küçəsinin bir hissəsi - Afiyəddin Cəlilov və Üzeyir Hacıbəyli küçələrinin kəsişməsi, “Cavanşir” körpüsündən keçməklə Üzeyir Hacıbəyli küçəsi - Neftçilər prospekti (Hökumət evi, Muzey Mərkəzi, Kukla teatrı, Qız qalası, “Azneft” dairəsi), Bakı Funikulyoru, Bayıl dairəsi, Bibiheybət yolu (Su İdmanı Sarayı) və Dənizkənarı bulvar boyunca hərəkət edərək (Su İdmanı Sarayının arxası, Bakı Kristal Zalı) - Dövlət Bayrağı Meydanı.
Tədbir 7 may tarixində baş tutacaq. Qeydiyyat 1 may tarixinə qədər davam edəcək.
