Bakı metropoliteni İstanbul metrosu ilə qarşılıqlı əlaqədə olacaq. Bu haqda 20 oktyabr tarixində Bakı Metropoliteninin mətbuat xidməti məlumat yayıb.
Əməkdaşlığın məqsədi lokomotiv və yol təsərrüfatları, qatarların hərəkətini təmin edən bir sıra sistemlərlə, habelə digər texnoloji proseslərlə yaxından tanış olmaqdır.
İstanbula səfər edən metropoliten nümayəndə heyəti ilə işguzar səfər zamanı qarşılıqlı əməkdaşlıq, müxtəlif sahələr üzrə təcrübə mübadiləsi mövzusunda müzakirələr aparılıb.
Görüşdə həmçinin yerli metro xətləri, infrastrukturu, gələcək planları və layihələri barədə ətraflı məlumat təqdim edilib.
Nümayəndə heyəti yüksək təəssürat, zəngin məlumatlar, faydalı olan təcrübə mübadiləsi və gələcəkdə əməkdaşlıq imkanlarının daha da genişləndirilməsi qənaəti ilə geri qayıdıb.
Nümayəndə heyətinin üzvlərinə İstanbul metropoliteninin müvafiq sertifikatları təqdim olunub.
