2020-ci ilin yanvar-fevral aylarında aparılmış ilk təmiri "Metrovaqonmaş"ın nəzdində fəaliyyət göstərən "Metrovaqonmaş-Servis" Birliyi yerinə yetirib
Bu ilin sonuna qədər ilk dəfə "Bakı Metropoliteni” yeni nəsil qatarların və vaqonların ölkədə təmiri həyata keçiriləcək. Bu haqda “Report” qurumun Depolar üzrə İş Departamentinin direktoru Faiq Əhmədovun məlumatına istinadən xəbər verib.
Onun sözlərinə görə, təmir işləri 2015-ci ildə Azərbaycana gətirilmiş vaqonlarda aparılacaq.
“Bu təmir digərlərindən fərqi olaraq "qaldırma təmiri" adlanır və qatarın gediş məsafəsinə uyğun həyata keçirilir. Bundan öncə də "Transmaşholdinq" SC-yə məxsus “Metrovaqonmaş” müəssisəsinin mütəxəssislərinin iştirakı ilə yeni nəsil qatarlar təmir edilib. Amma bu dəfə bu işi öz mütəxəssislərimiz görəcək", - deyə metro rəsmisi bildirib.
2020-ci ilin yanvar-fevral aylarında aparılmış ilk təmiri "Metrovaqonmaş"ın nəzdində fəaliyyət göstərən "Metrovaqonmaş-Servis" Birliyi yerinə yetirib. 2019-cu ildə bağlanmış müqavilənin şərtlərinə uyğun olaraq, "Metrovaqonmaş-Servis" vaqonların təmiri ilə yanaşı, bu prosesi gələcəkdə yerinə yetirəcək kadrları hazırlamalı idi.
