Bakı Metropolitenində istismar üzrə baş mühəndis dəyişilib. Bu haqda bu gün, 1 avqust tarixində Bakuplus.az Report-a istinadən məlumat verir.
Azər Mustafayev istismar üzrə baş mühəndisinin müavini “Bakı Metropoliteni” QSC-nin baş mühəndisi vəzifəsinə təsdiqlənib. O, Əlixan Osmanovu əvəz edib.
Mustafayevin 55 yaşı var. O, Azərbaycan Dövlət Neft və Sənaye Universitetini bitirib. “Azərenerji” ASC-də istehsalat-texniki şöbənin rəis müavini vəzifəsində çalışıb, 2019-cu ildən isə Bakı metrosunun istismar üzrə baş mühəndisinin müavini olub.
Mustafayev İlham Əliyevin Sərəncamı ilə “Tərəqqi” medalına layiq görülüb.
