Bakı metropolitenində bu gün, 8 noyabr tarixində Zəfər Günü münasibəyilə müxtəlif tədbirlər keçirilir. Bu haqda məlumat qurumun rəsmi saytında paylaşılıb.
“8 noyabr” stansiyasında sosial platformalarda Vətən müharibəsi iştirakçılarına həsr olunmuş sərgi təqdim olunur. Stendlərdə müharibədə iştirak edən metropolitençilər və onların döyüş günləri barədə qısa məlumat verilib.
Bundan əlavə, Zəfər Günü ilə əlaqədar metro stansiyalar dövlət rəmzləri ilə bəzədilib, peronlarda plakatlar və digər məlumat lövhələri quraşdırılıb. Həmçinin, stansiya və qatar monitorlarında elektron plakatlar yerləşdirilib.
Bunula yanaşı, "8 Noyabr" konstruksiyası bəzi vaqonların qapılarına quraşdırılıb. Bütün qatarların fasadları Zəfər Gününün rəmzi olan Xarıbülbüllə bəzədilib.
[URIS id=13302]
