Bakı metropolitenində yeni tunel yolu qurulur. Bu haqda 17 noyabr tarixində metropolitenin mətbuat xidməti məlumat yayıb.
Yeni tunel yolu “Cəfər Cabbarlı-Xətai” mənzilində qurulur. Birinci mərhələ çərçivəsində çəkiləcək yeni yolun beton məhlulunun verilməsi üçün yerlər təyin edilib. Bu məqsədlə ötürmə kanalları müəyyən edilib, konstruksiyalar qurulub.
İkinci mərhələdə yol yatağının, konstruksiyaların hündürlüyü, əndazə tələbləri, dəmir-beton blokların səviyyəsi və digər əhəmiyyətli məsələlər müntəzəm nəzarət altında saxlanılaraq, ölçmələr və dəqiqləşdirmə işləri daimi olaraq aparılır.
İşlər diaqnostik müayinələr və sınaq işləri ilə tamamlanacaq.
Bakı metropoliteninin tarixində ilk dəfə istismarda olan tuneldə dəmir-beton bloklar ağac şpalları əvəz edəcək.
Yeniləşmə daha sonra “Cəfər Cabbarlı” stansiyasının 1-ci yolunun 155 metr hissəsində davam etdiriləcək.
[URIS id=14682]
