Bakı metropoliteni iş qrafikini açıqlayıb. Bu haqda bu gün, 23 iyun tarixində Bakuplus.az quruma istinadən xəbər verir.
24-25 iyun tarixləri iş günü hesab olunduğundan həmin günlərdə metro iş günü qrafikinə uyğun işləyəcək. Qatarların hərəkəti 2,5 dəqiqəlik intervalla tənzimlənəcək, “İçərişəhər” və “Dərnəgül” stansiyaları istiqamətində interval 2 dəfə artıq olacaq.
26 iyun - 3 iyul tarixləri arası qeyri-iş günü olduğundan vaqonlar arasında interval 3 dəqiqə, “İçərişəhər” və “Dərnəgül” stansiyaları istiqamətində isə 2 dəfə artıq olacaq.
“Bakmil” istiqamətində və əks istiqamətdə qatarların hərəkəti qeyri-iş günləri qrafikinə uyğun tənzimlənəcək. İş və istirahət günlərində Bənövşəyi xətdə, eləcə də “Xətai-Cəfər Cabbarlı” sahəsində hərəkət edən qatarların intervalları dəyişməz olaraq qalacaq.
Həmçinin ehtiyac yaranarsa, xəttə ehtiyat qatarlar da buraxılacaq. Hərəkət cədvəli ilə buradan tanış olmaq olar.
