Bu ilin yanvar-mart aylarında “Bakı Metropoliteni” QSC 52 milyon 678.475 sərnişin daşıyıb. Bu haqda bu gün, 17 aprel tarixində Report quruma istinadən məlumat verib.
Bu, ötən ilin müvafiq dövrü ilə müqayisədə 7.012.833 nəfər və ya 15,4 faiz çoxdur.
Cari ilin birinci rübündə orta gündəlik sərnişin daşınması 78.253 nəfər artaraq 585.316 nəfər olub.
Pandemiyadan əvvəlki dövrlə (2019-cu il) müqayisədə rüblük sərnişin daşınması 2.655.747 nəfər və ya 4,8 faiz azalıb. Həmin dövrlə müqayisədə orta gündəlik sərnişin daşınması 32.842 nəfər və ya 5,3 faiz azalıb.
