Azərbaycan Prezidenti İlham Əliyevin və Birinci vitse-prezident Mehriban Əliyevanın tapşırığı ilə Mərkəzi Nəbatat Bağının yeni layihəsi hazırlanır.
Bu haqda bu gün, 10 may tarixində Report Bakı Şəhər İcra Hakimiyyətinin başçısı Eldar Əzizova istinadən məlumat verir.
“Bu, xaricdən gələn mütəxəssislərin iştirakı ilə hazırlanan unikal layihə olacaq. Parkın ərazisi 46 hektardan ibarətdir. Bu layihəni tamamlamaq üçün vaxt tələb olunur. Layihə üzərində iş tamamlanır, tam hazırlanandan sonra ictimaiyyətə təqdim olunacaq”, - deyə Eldar Əzizov bildirib.
Daha öncə, 5 may tarixində Prezident İlham Əliyev Mərkəzi Nəbatat Bağında abadlıq, yenidənqurma və tikinti işlərinin həyata keçirilməsi üçün 25 milyon manat ayrılması ilə bağlı sərəncam imzalayıb.
