Əməkdar rəssam, heykəltəraş Albert Mustafayev 91 yaşında vəfat edib. Bu haqda 4 mart tarixində Bakuplus.az məlumat verir.
Bu gün səhər saatlarında heykəltəraş Albert Mustafayev vəfat edib.
Sənətkar Bakı şəhərində “Bəhram Gur əjdahanı öldürür” fontan-kompozisiyasının, Nizami Kino Mərkəzinin baş fasadındakı “Nizami Gəncəvi” heykəlinin müəllifidir. O həmçinin Şuşada, Molla Pənah Vaqifin məqbərəsində qoyulmuş Vaqifin büstünün müəllifidir.
Əməkdar rəssam həmçinin fotoqrafiyaya həvəs göstərirdi. O, Fikrət Əmirovun, Tahir Salahovun, Qara Qarayevin, Hökümə Qurbanovanın, Niyazinin və başqalarının fotoportretlərinin müəllifi olub.
Albert Mustafayev “Azərbaycan Respublikası Prezidentinin fəxri diplomu” ilə təltif edilmişdir.
