Bakının müxtəlif rayonlarında ağac kəsimi ilə bağlı araşdırmalar aparılıb. Bu haqda bu gün, 16 fevral tarixində Bakuplus.az Ekologiya Nazirliyinə istinadən xəbər verir.
Aparılan araşdırmalar zamanı məlum olub ki, paytaxtın bir neçə rayonunda qanunsuz ağac kəsimi aşkar edilib.
Həmin ərazilər aşağıdakı kimidir:
- Suraxanı rayonu, Yeni Günəşli qəsəbəsi, AB massivi, 68 saylı binanın arxa hissəsində vətəndaş Ağasən Qardaşova məxsus qeyri-yaşayış obyektinin qarşısı;
- Binəqədi rayonu, Binəqədi qəsəbəsi, 2-ci mədən küçəsində “Veysəloğlu” MMC-yə məxsus tikinti sahəsi;
- 7-ci mikrorayon, S.S.Axundov küçəsində vətəndaş Nəsimi Hüseynova məxsus torpaq sahəsi.
Faktlarla bağlı akt tərtib edilib. Toplanmış sənədlər Azərbaycan Respublikasının Baş Prokurorluğuna göndərilib.
