Bakıda Rusiyanın "Sibir" şirkəti mikromobil nəqliyyat layihəsini reallaşdıracaq. Bu haqda Trend şirkətin direktorundan aldığı məlumata əsasən 22 oktyabr tarixində xəbər verib.
Strateji Təşəbbüslər Agentliyinin şəhər inkişafı üzrə nümayəndəsi Ramil Əliyev Bakı Şəhər İcra Hakimiyyətinin artıq "Sibir" şirkətinə elektrik skuterlərin icarə məntəqələri üçün ərazi ayırdığını qeyd edib.
"İnsanların bir nöqtədən digərinə hərəkət etmək üçün bu nəqliyyat növündən fəal istifadəsi müşahidə olunur. Bu layihənin icrasından sonra paytaxt sakinləri skuter icarəyə götürəcək və onu çatdıqları məntəqədə qoya biləcək". - deyə o, əlavə edib.
Əliyevin sözlərinə görə layihənin icrası Bakıda tıxacların azalmasına, eləcə də təmiz nəqliyyatın sayının artmasına gətirib çıxaracaq. Bakının 20 il ərzində inkişaf planı çərçivəsində mərkəzdə və bulvar boyunca dairəvi yolun tikintisi planlaşdırılır. Dairəvi yol velosiped cığırına da malik olacaq.
