Paytaxtın 6 məktəbinə Vətən müharibəsi qəhrəmanlarının adları verildi. Bu haqda bu gün, 4 noyabr tarixində Nazirlər Kabineti məlumat yayıb.
Polkovnik-leytenant İlqar Mirzəyevin adı 98 saylı tam orta məktəbə verilib. Digər 5 məktəbin adları aşağıdakı kimi dəyişib:
- Bakı şəhəri 47 nömrəli tam orta məktəbə Azərbaycan Respublikasının “Vətən Müharibəsi Qəhrəmanı” Zaur İsmayıl oğlu Nudirəliyevin adı verilsin;
- Bakı şəhəri 216 nömrəli tam orta məktəbə Azərbaycan Respublikasının “Vətən Müharibəsi Qəhrəmanı” Ramiz Vaqif oğlu Qasımovun adı verilsin;
- Bakı şəhəri 88 nömrəli tam orta məktəbə Azərbaycan Respublikasının “Vətən Müharibəsi Qəhrəmanı” Elçin Elşən oğlu Mansurovun adı verilsin;
- Bakı şəhəri 48 nömrəli tam orta məktəbə Azərbaycan Respublikasının “Vətən Müharibəsi Qəhrəmanı” Ceyhun Aydın oğlu Həsənovun adı verilsin;
- Bakı şəhəri 291 nömrəli Ekologiya liseyinə Azərbaycan Respublikasının “Vətən Müharibəsi Qəhrəmanı” Azad Arif oğlu Hümbətovun adı verilsin.
Qərara əsasən, ölkə ərazisində ümumilikdə 37 məktəbə Vətən müharibəsi qəhrəmanlarının adı verilib.
