Paytaxtın Xətai və Qaradağ rayonlarında səyyar görüşlər keçirilib. Bu haqda BakuPlus.az bu gün, 14 oktyabr tarixində xəbər verir.
Qaradağ Rayon İcra Hakimiyyəti başçısı Süleyman Mikayılov Sanqaçal qəsəbə sakinləri ilə görüşüb.
Qəbulda 50-dən çox qəsəbə sakini iştirak edib.
Görüşə gəlmiş qəsəbə ağsaqqalları qəsəbə ərazisində görülən işlərə görə öz təşəkkürlərini bildiriblər.
Ötən gün Xətai rayonunda keçirilən səyyar görüşdə rayon İcra Hakimiyyətinin başçısı Rafiq Quluyev, rayonun prokuroru Sərdar İmanov, YAP Xətai rayon Təşkilatının sədri Vüqar Rəhimzadə, hüquq-mühafizə orqanlarının və xidmət idarələrinin rəhbər işçiləri iştirak ediblər.
Səyyar qəbulda sakinlərin arzu və təklifləri dinlənilib, səsləndirdikləri məsələlər məsul şəxslərin iştirakı ilə yerindəcə araşdırılaraq həlli ilə bağlı tədbirlər müəyyənləşdirilib.
[caption id="attachment_74748" align="alignnone" width="640"]
Foto Qaradağ rayon icra hakimiyyətinin rəsmi saytı[/caption]
