Bakının Parlament və Atatürk prospektlərində aparılan təmir işləri artıq yekunlaşmaq üzrədir. Bu haqda bu gün, 1 iyul tarixində Bakuplus.az Azərbaycan Avtomobil Yolları Dövlət Agentliyinə istinadən məlumat verir.
Bakının Parlament prospektinin Mehdi Hüseyn küçəsindən Mikayıl Müşfiq küçəsinədək və Atatürk prospektinin Səttar Bəhlulzadə küçəsindən Fətəli xan Xoyski küçəsinədək hissələrində köhnə asfalt-beton örtüyünün frezlənməsi, yolun profilə salınması, yeni asfalt-beton örtüyünün döşənməsi işləri aparılıb.
Bununla yanaşı, yeraltı kommunikasiya xətlərinin baxış qapaqlarının və yağış barmaqlıqlarının layihə hündürlüyünə qaldırılması işləri də icra olunur.
Təmir işlərinin son mərhələsində sözügedən ərazilər üfüqi nişanlanma xətləri ilə təmin olunacaq.
