Bakının bəzi küçələri anım günü ilə əlaqədar bağlanacaq. Bu haqda bu gün, 24 fevral tarixində Bakuplus.az Daxili İşlər Nazirliyinə istinadən xəbər verir.
Xocalı soyqırımının ildönümü ilə bağlı 26 fevral tarixində saat 08:00-dan etibarən bir sıra küçələrdə avtomobillərin hərəkətinə məhdudiyyət qoyulacaq.
Belə ki, Xocalı prospekti və onunla kəsişən və ya paralel olan Mehdi Mehdizadə, Kamandar Əhmədov, Ayaz İsmayılov, Süleyman Vəzirov və İzzət Orucov küçələrində avtomobillərin hərəkətinə məhdudiyyət qoyulacaq.
Avtomobil sahibləri və sürücülərdən ictimai nəqliyyat vasitələri ilə hərəkət etməyə üstünlük vermələri xahiş olunur.
