Bakının “Kubinka” ərazisində 200 ildən çox yaşı olan binaların sökülməsinə başlanılıb. Cəlil Məmmədquluzadə və Zivər bəy Əhmədbəyov küçələrinin kəsişməsində yerləşən qəzalı evlərin sakinləri artıq köçürülüblər. Bu haqda bu gün, 3 avqust tarixində Bakuplus.az Real TV-yə istinadən məlumat verir.
Sökülən evlərin müqabilində sakinlərə 11 mərtəbəli binalarda sahəsi evlərinin ərazisindən 20 kv.m çox olan mənzillər və tikinti başa çatana kimi kirayə haqqı təklif olunub. Çoxlu sayda sakin bununla razılaşaraq evlərini tərk edib. Lakin elə sakinlər də var ki, evlərini tərk etməkdən imtina edərək əlavə kvadratmetr və ya daha çox pul istəyirlər.
Kubinkada tikinti sahəsi 5,5 hektar təşkil edir, ümumi tikinti sahəsi isə 170 min kvadratmetrdir. Rayonda 15 məhəllədən ibarət 11 bina tikiləcək. Hər binada mənzillərin hündürlüyü 3,65 metr olacaq. Hər girişdə 3 lift olacaq. Həmçinin ərazidə 2500 ağac əkiləcək. Ərazisdə parkların və idman meydançalarının salınması da nəzərdə tutulub.
