Bakıda “Formula 1” Azərbaycan Qran-prisinin başlamasına bir neçə gün qalmış avtoyürüşün keçiriləcəyi ərazidə mənzillərin kirayə qiyməti kəskin bahalaşıb. Bu haqda bu gün, 13 aprel tarixində Bakuplus.az Xəzər Xəbər-ə istinadən məlumat verir.
Neftçilər və Azadlıq prospektlərində, eləcə də Xəqani, Rəşid Behbudov və İstiqlaliyyət küçələrində yerləşən binalarda mənzillərlə yanaşı, yarışlara baxmaq üçün icarəyə verilən eyvanlarda da qiymət artımı müşahidə olunur.
Daşınmaz əmlak üzrə ekspert Nofəl Quliyev qeyd edib ki, binaların eyvanlarının kirayə qiyməti onların yerləşdiyi küçədən asılı olaraq dəyişir. Neftçilər prospektində yerləşən evlərdə kirayə mənzillərin qiyməti əvvəllər 1000-1200 manat idisə, hazırda qiymətlər 1500-2000 manat arasında dəyişir.
