Hava Limanı-Mərdəkan-Zuğulba avtomobil yolunda növbəti yerüstü piyada keçidi inşa olunur. Bu haqda bu gün, 1 may tarixində Bakuplus.az Avtomobil Yolları Dövlət Agentliyinə istinadən xəbər verir.
Magistral yolun 3-cü km-də tikilən keçidin uzunluğu 51, daxili eni 3,5, pilləkənlərin eni 3 metr olacaq. Yol səviyyəsindən hündürlüyü 5,8 metr olan keçid orta dayaqdan və metal konstruksiyadan ibarət olacaq.
Layihə çərçivəsində yolun hər 2 tərəfində yeni avtobus cibliklərinin, avtobus dayanacağının, təhlükəsizlik kameralarının quraşdırılması, keçidin istismarına nəzarət edən işçilər üçün nəzarət otağının tikintisi, piyada keçidinin ətrafında abadlaşdırılma işlərinin görülməsi nəzərdə tutulub
Hazırda keçiddə özül svaylarının vurulması işləri aparılır. Bundan əlavə, keçiddə müasir lift sistemləri quraşdırılacaq.
