Bakının simasını yaradanlardan biri, polşalı memar Yozef Qoslavskinin xatirəsinə sərgi təşkil olunacaq. Bu haqda bu gün, 11 iyul tarixində Bakuplus.az məlumat verir.
Polşanın Azərbaycandakı səfirliyindən verilən məlumata görə, diplomatik nümayəndəliklə Azərbaycan Milli Tarix Muzeyi arasında müvafiq razılıq əldə olunub.
Yozef Qoslavski xəstəliyinə və ölümünə qədər 12 il (1892-1904) Bakının baş memarı vəzifəsində çalışıb. Onun layihələri əsasında Bakıda 12 bina tikilib. Bunlar arasında Şəhər Dumasının binası (indiki Bakı Şəhər İcra Hakimiyyəti), Zeynalabdin Tağıyevin evi (Azərbaycan Tarixi Muzeyi), İmperatriça Aleksandra Rus-Müsəlman Qız Məktəbi (AMEA Əlyazmalar İnstitutu), indi paytaxtın mərkəzi küçələrində yaşayış binaları olan milyonçuların fərdi iqamətgahları da yer alıb.
