Bakının yeni Baş planı hazırlanır. Bu haqda bu gün, 7 oktyabr tarixində Bakuplus.az Xəzər Xəbər-ə istinadən xəbər verir.
Verilən məlumata görə, paytaxtda yerləşən 150-yə yaxın binanın sökülməsi nəzərdə tutulub. Əsasən, ərazinin zonalaşdırılması, yeni mühəndis kommunikasiya sistemləri, eləcə də nəqliyyat infrastrukturunun yenilənməsi planlaşdırılır.
Əmlakçı Mülkədar Rüstamovun verdiyi məlumata görə, bu yenilənməni həyata keçirmək üçün bəzi ərazilərdə bir çox yaşayış binaları sökülməlidir. Həmçinin yeni Baş plana əsasən, Bakıda 50 km-ə qədər tramvay xəttinin qurulması nəzərdə tutulub. Əlavə olaraq metro stansiyalarının sayı 47-yə çatdırılacaq. Şəhərdə sıxlığın qarşısını almaq üçün isə bir çox işlər görülməlidir, onlardan biri də Lökbatan qəsəbəsi ərazisində yeni avtovağzalın tikintisidir.
İşlər yekunlaşdıqdan sonra bəzi ərazilərdə həm torpaq sahələrinin, həm də mənzillərin qiymətlərinin artması gözlənilir. Bakı şəhərinin Baş Planı 4 prioritet hədəf əsasında hazırlanır.
