"Azərbaycan Hava Yolları" QSC (AZAL) Bakı-Naxçıvan-Bakı marşrutu üzrə reyslərin sayını artırır. Bu haqda bu gün, 27 iyul tarixində BakuPlus.az aviaşirkətin mətbuat xidmətinə istinadən xəbər verir.
Aviaşirkət reyslərin sayını gündə 10 dəfəyə qədər artırıb. Bakı-Naxçıvan-Bakı istiqaməti üzrə tələbat çox olduğuna görə səyahət etmək istəyən sərnişinlərə aviabiletləri əvvəlcədən almaq tövsiyə edilir.
Cari il ərzində AZAL Bakı-Naxçıvan-Bakı marşrutu üzrə 300.000-dən çox sərnişin daşıyıb. Sərnişin axınının pik həddi bu ilin iyun və iyul aylarına təsadüf edir. Bu iki ay ərzində Bakı-Naxçıvan-Bakı marşrutu üzrə ən çox reys iyunun 26-da (14 reys) və iyulun 6-da (13 reys) həyata keçirilib.
