Bakı Opera və Balet Teatrının binasının bərpası işləri davam etdirilir. Bu haqda Caliber.az memar, Azərbaycan Memarlar İttifaqının üzvü, sənətşünaslıq doktoru, Bakı və Abşeron memarlığı üzrə mütəxəssis, professor Elçin Əliyevə istinadən məlumat verir.
Elçin Əliyev bildirib ki, 19-cu əsrin sonlarına aid orijinal çertyojlar üzrə hazırlanmış iki yeni günbəz tikilib. Bu günlərdə günbəzlər Opera və Balet Teatrının binasının damında quraşdırılmışdır.
“Günbəzlər mis təbəqələrlə örtülmüşdür, onlar bir neçə ildən sonra Bakı sakinlərinə tanış olan tünd yaşıl rəng alacaqlar. Bundan əlavə, tarixi binada fasadlar bərpa olunur, dam örtüyü təmir olunur, taxta pəncərə və qapılar dəyişdirilir (əvəzində taxtadan ibarət yeni çərçivələr quraşdırılır).
Teatr mövsümü başa çatdıqdan sonra binaların interyerlərində işlərə başlanılacaq. İşlərin 2023-cü ildə tam başa çatdırılması planlaşdırılır”, - deyə E.Əliyev vurğulayıb.
[URIS id=46415]
