Bakı – Ələt – Qazax yolunda hərəkət müvəqqəti məhdudlaşdırılacaq. Bu haqda bu gün, 11 iyun tarixində Bakuplus.az Avtomobil Yolları Dövlət Agentliyinə istinadən xəbər verir.
Avtomagistralın 47,9-cu kilometrində, Qaradağ rayonundakı DYP postu yaxınlığında nəqliyyat vasitələrinin hərəkəti 11 iyun tarixindən 12-ə keçən gecə 15-20 dəqiqə müddətinə məhdudlaşdırılacaq. Buna səbəb elektron tərəzi işləri ilə əlaqədar yolun üzərində metal konstruksiyanın quraşdırılmasıdır.
Sürücülərdən anlayışla yanaşmaları xahiş olunur.
