Dələduzluq edən falçıya hökm oxunub. Bu haqda bu gün, 4 mart tarixində Bakuplus.az APA-ya istinadən xəbər verir.
Məhkəmənin qərarı ilə Bakı şəhər sakini Günəş Qasımova 7 il müddətinə azadlıqdan məhrum edilib.
Təqsirkar Şirvan şəhərində falçı olduğunu bildirərək insanların problemlərinin həllində köməklik göstərəcəyini vəd edib. O, bu yolla 50.000 ABŞ dolları və 15.000 AZN pul mənimsəyib.
Bundan əlavə, zərərçəkmiş Vüsalə Qafarzadəyə 25.495 AZN, digər zərərçəkmiş şəxs Arif Qafarzadəyə isə 91.401 AZN maddi ziyan kimi ödənilməsi barədə iddia qismən təmin edilib. Onların hər birinə 2000 AZN ödənilməlidir.
