İyulun 1-dən “Azərbaycan Dəmir Yolları” QSC (ADY) Abşeron dairəvi dəmir yolu xətti üzrə hərəkət edən qatarlarla (Bakı-Sumqayıt-Bakı) bağlı bəzi dəyişikliklər elan edib. Bu haqda bu gün, 12 iyun tarixində Bakuplus.az məlumat verir.
Kağız biletlərin satışı dayandırılacaq. Qatarlarda biletlər NFC-ni dəstəkləyən bank kartları və ADY-yə məxsus gediş kartları ilə nağdsız şəkildə həyata keçiriləcək. ADY-yə məxsus kartları bütün stansiyaların kassalarından əldə etmək olar. Kartın qiyməti 2 manatdır.
Sərnişinlər ADY gediş kartlarından istifadəni dayandırdıqları təqdirdə kartları kassalara təhvil verməklə kart üçün ödənilmiş və balansda olan məbləği geri ala bilərlər.
Biznes vaqonlarından ekonom vaqon kimi istifadə olunacaq. Məqsəd ekonom vaqonlarında müşahidə olunan sərnişin sıxlığının aradan qaldırılmasıdır. Bu halda ödəniş ekonom vaqon üçün müəyyən olunmuş tarif üzrə həyata keçiriləcək.
