Bakı və Sıçuan əyaləti arasında dostluq və tərəfdaşlığa dair memorandum imzalanıb. Bu haqda Bakuplus.az 3 iyul tarixində Report-a istinadən məlumat verir.
Bakı Şəhər İcra Hakimiyyətinin başçısı Eldar Əzizov nümayəndə heyəti ilə birgə Çin Xalq Respublikasının Sıçuan əyaləti rəhbərliyinin dəvəti ilə işgüzar səfərdə olub. Görüş çərçivəsində “Azərbaycan Respublikasının paytaxtı Bakı şəhəri ilə Çin Xalq Respublikası Sıçuan əyaləti arasında dostluq və tərəfdaşlıq münasibətlərinin qurulması barədə anlaşma Memorandumu” imzalanıb.
Tədbir zamanı qubernator Xuan Tsyan tərəfindən Çin vətəndaşlarının Bakı şəhərinə və Azərbaycana olan marağını nəzərə alaraq, Çendu–Bakı təyyarə marşrutunun açılması təklifi irəli sürülüb.
Görüşdən sonra Bakı şəhərinin nümayəndələri Çinin paytaxtı Pekinə gələrək, Pekin şəhər meriyasında merin müavini xanım Sma Xunla görüşüblər.
