Bakıda ilk dəfə “Peking to Paris Motors Challenge” yarışı baş tutub. Bu haqda bu gün, 10 iyun tarixində Bakuplus.az Report-a istinadən xəbər verir.
Dənizkənarı Milli Parkda yerləşən “Yeddi Gözəl” fəvvarəsinin yanında baş tutan tədbirdə retro avtomobil sevənlər bir araya gəliblər.
"Peking to Paris Motors Challenge"də iştirakçılar retro avtomobillərlə təxminən 14.000 km məsafə qət edərək dünyanın ən çətin marşrutlarından birində yarışırlar. 37 gün davam edəcək beynəlxalq yarış 18 may tarixində Çin Xalq Respublikasında başlamaqla Monqolustan, Qazaxıstandan keçərək Azərbaycana çatıb. 200 nəfər iştirakçının qatıldığı turnirin Fransada başa çatdırılması planlaşdırılır.
“Peking to Paris Motors Challenge” 1907-ci ilin ilk qabaqcıl yollarında davam edən və əsl dözümlü motor rallisidir.
Tədbir mədəniyyətimizin nümayişi və şənliklə başa çatıb.
