Yenilənmiş Bakı Zooloji parkı iki illik fasilədən sonra bu gün, 9 oktyabr tarixində açılıb. Parkın ilk qonaqları internat evlərindən və şəhid ailələrindən olan uşaqlar olub. Saat 15:00-da Zooloji park bütün vətəndaşlar üçün öz qapılarını açıb. Artıq açılışın ilk saatlarından yüzlərlə Bakı sakinləri zooloji parkı ziyarət etməyə gəlib.
Parkın icraçı direktoru Nəzakət İsayeva jurnalistlərə burada görülmüş işlərlə bağlı ətraflı məlumat verib.
Yenidənqurma işləri nəticəsində ərazidə yeni akvaterrarium, kontakt zoopark, klinika inşa edilib, uşaqlar üçün müxtəlif əyləncə obyektləri, uşaq meydançası, həmçinin lektoriya və elektron bələdçi sistemi quraşdırılıb. Balaca uşaqlar üçün xüsusi lektoriya otağında proqramlar hazırlanacaq, seminar və treninqlər keçiriləcək.
Yaxın zamanlarda ərazidə reintroduksiya işləri aparılacaq, Azərbaycanın “Qırmızı kitabı”na düşmüş, nəsli kəsilməkdə olan heyvanların təbiətdə populyasiyası artırılacaq və çoxaldıldıqdan sonra yenidən təbiətə buraxılacaq.
Bununla yanaşı ekologiya və biologiya fakültələrində təhsil alan tələbələr üçün xüsusi şərait yaradılacaq. Onlar burada növlər arası, növ daxili münasibətləri öyrənmək üçün təcrübə keçəcəklər.
Zooloji park həftənin yeddi günü fəaliyyət göstərəcək. Parkın kassaları səhər saat 10-dan axşam saat 17:30-dək açıq olacaq. Bağlı məkanlara giriş yalnız COVİD pasportla olacaq.
Biletlərin qiyməti:
Zooloji parkın kolleksiyasında 125 heyvan növü var, onlardan 62-si akvaterrariumdadır, 39 növü məməli və 24 növü quşlardır. Onlardan 22-i Azərbaycan Respublikasının “Qırmızı kitabı”na düşmüş növlərdəndir. Parkın ərazisi 2 hektardan 4,25 hektara gədər artırılıb.
[caption id="attachment_8962" align="alignnone" width="696"]
Foto Bakuplus.az[/caption]
[caption id="attachment_8961" align="alignnone" width="696"]
Foto Bakuplus.az[/caption]
[caption id="attachment_8960" align="alignnone" width="696"]
Foto Bakuplus.az[/caption]
[caption id="attachment_8959" align="alignnone" width="696"]
Foto Bakuplus.az[/caption]
[caption id="attachment_8958" align="alignnone" width="696"]
Foto Bakuplus.az[/caption]
