Bakı Zooloji Parkında ilk dəfə qonur ayının 2 balası doğulub. Bu haqda bu gün, 25 aprel tarixində Bakuplus.az zooparkın mətbuat xidmətinə istinadən məlumat verir.
Qonur ayılar Azərbaycanın “Qırmızı Kitab”ına daxil olunub.
Balalar ana südü ilə qidalanır, əraziyə öyrəşmədiklərinə görə anadan ayrılmır. 1-2.5 ilə qədər ana balalarını daimi nəzərətdə saxlayır.
Bakı Zooloji Parkı Ekologiya və Təbii Sərvətlər Nazirliyi ilə birgə Azərbaycanın “Qırmızı Kitab”ına daxil, sayı azalan və nəsli kəsilmək üzrə olan heyvan növlərinin qorunub saxlanılması, onların çoxaldılması və yenidən təbiətə buraxılması, reintroduksiyası proqramlarında əməkdaşlıq edir.
Belə ki, nəcib maral və ceyranlar Zooloji Park ərazisində sayı artırılaraq yenidən təbiətə buraxılmışdır. Analoji layihə Dağıstan turu və Hindistan tirəndazının reintroduksiyası üzrə aparılır.
[URIS id=98302]
