Bakıda gənc oğlan arvadını döyüb.
Hadisə Sabunçu rayonu ərazisində qeydə alınıb.
23 yaşlı Müslüm Səfərovla (şərti ad) həyat yoldaşı arasında qonaq otağında mübahisə düşüb. Buna səbəb qadının onunla kobud danışması olub. Mübahisə zamanı Müslüm dəmir armaturla arvadının qol, əl və ayaq nahiyələrinə zərbələr endirərək ona xəsarətlər yetirib.
Faktla bağlı Müslüm Səfərov saxlanılıb və barəsində cinayət işi açılıb.
Təqsirləndirilən və zərərçəkmiş şəxslər ifadələrində barışdıqlarını, həmçinin dəymiş ziyanın ödənildiyini bildiriblər. Zərərçəkmiş qadın ərindən şikayətçi olmadığını da qeyd edib.
Məhkəmənin qərarı ilə cinayət işinə xitam verilib və M. Səfərov məsuliyyətdən azad edilib.
mənbə: lent.аz
