Bakıda avtobus yol kənarında park halında olan avtomobillərə çırpılıb.
Bakuplus.az xəbər verir ki, hadisə nəticəsində avtomobillərə ciddi maddi ziyan dəyib.
Məsələ ilə bağlı "BakuBus" MMC-dən bildirilib ki, hadisə 11 nömrəli müntəzəm marşrut xətti üzrə hərəkət edən avtobus sürücüsü tərəfindən törədilib:
"Bu gün saat 10:20-də 11 nömrəli müntəzəm marşrut xətti üzrə hərəkət edən, 90-JY-786 dövlət qeydiyyat nişanlı avtobusun iştirakı ilə Məhəmməd Hadi küçəsi, 298 ünvanında yol-nəqliyyat hadisəsi baş verib. Nəqliyyat vasitəsini idarə edən sürücü Ramin Təhməzovun verdiyi ilkin məlumata əsasən, avtobus hərəkət zamanı ehtiyatsızlıq səbəbindən yol kənarında dayanan digər nəqliyyat vasitələri - 10-KR-201 və 77-HS-309 dövlət qeydiyyat nişanlı avtomobilləri zədələyib. Bununla bağlı aidiyyəti qurumlara məlumat verilib və lazımi araşdırmalara başlanılıb".
