İntihar edən 10-cu sinif şagirdi Sona Xəlilova Əmircan qəsəbəsində yerləşən 114 nömrəli tam orta məktəbin şagirdi olub.
Bu barədə Bakuplus.az-a məktəbin direktoru Könül Hüseynova açıqlama verib.
Bildirilib ki, Sonanın davamiyyəti zəif olub:
“Lakin çox tərbiyəli şagird idi. Məktəbdə 10 il ərzində heç bir problem yaşamayıb və problemli şagird olaraq qeydiyyata alınmayıb. Hamımız çox pis vəziyyətdəyik. İnşallah ki, günahkar tapılar”.
K.Hüseynova Sonanın intihar etdiyi gün məktəbdə olmadığını deyib:
“Ondan öncəki günlər dərsə gəlib-gedirdi. Uşaqlarla ünsiyyətçil idi. Hamı şokdadır. Uşaqlarla tək-tək danışmışam. Məktəblə bağlı heç bir problem olmayıb. Yoldaşları ilə də problemi olmayıb. Müvafiq qurumlar nə məlumat versə, onda bilinəcək. Sinif yoldaşlarının da Sonanın intihar etmə səbəbi ilə bağlı məlumatları yoxdur. Hər kəs çox pisdir. Heç kimlə vidalaşmayıb”.
***
11:02
Suraxanı rayonunda intihar hadisəsi baş verib.
Bakuplus.az-ın əldə etdiyi məlumata görə, hadisə Əmircan qəsəbəsində qeydə alınıb.
Belə ki, qəsəbə məktəblərinin birində təhsil alan 10-cu sinif şagirdi S.Xəlilova yaşadığı evin həyətində özünü asaraq canına qəsd edib.
Bildirilib ki, universitetə hazırlaşan yeniyetmə iki gündür məktəbə və hazırlığa getmirmiş. Depresiv halda olub.
S.Xəlilovanın telefonunda həmyaşıdı olan oğlanla mesajları aşkarlandığı iddia edilir.
Faktla bağlı araşdırma aparılır.
Nəzrin Vahid
